Iraulketa #1
Astelehena, hilak 7tik aurrera, Loïk Le Priol eta Romain Bouvier epaituko dituzte Federico Martín Arambururen hilketa eta hilketa saiakera dela eta. 2022ko martxoaren 19an, Biarritz Olympiqueko argentinar errugbilari ohia, hainbat tiroz erail zuten, Parisko Boulevard Saint-Germain kalean. Bere hiltzaileak, eskuin muturreko militanteak eta GUDeko kide ohiak, gaur Justiziaren aurrean agertukodira. Loïk Le Priol, militar ohia, hilketagatik epaituko dute; Romain Bouvier, berriz, hilketa saiakerarengatik.
Hiru astez, epaitegiak gau tragiko hartara itzuli beharko du. Baina epaiketaz harago, kasu honek errealitate bat gogorarazi behar digu, mutur eskuinaren hedabideetako eta politikako normalizazioak desagerrarazi nahi duena: faxismoa erailtzen du.
Biarritzen ere, eskuin muturra plantatzen saiatzen da
Gaurkotasun horrek, oihartzun berezia du gure artean, azaroan Biarritzen Frantziako Kanonaren ekitaldi bat iragarri baita.
Duela zenbait urtetik hona, eskuin muturra tokiko, imajinario, tradizio eta kulturetan sartzen saiatu da, batezere horrelako gertaeren bidez. Identitateen, folklorearen eta tradizioen zaintzale gisa aurkezten saiatzen da, bere proiektu guztiz erreakzionario, nazionalista eta xenofoboa hobeto zabaltzeko.
Kultura-borrokaren estrategia horri politika arloan aurre egin behar zaio. Ez dugu utziko eskuin muturrari EuskalHerria berreskuratzen bere pozoia bertan zabaltzeko.
Tokiko, politikoen isiltasunak edo ekintza ezak kezka handiagoa sortzen du, eskuin muturrak hirian bere presentzia normalizatzen saiatzen ari delako.
Faxismoa kalean eta hautetsontzietan borrokatzen da
Eskuin muturraren aurrean, printzipio-deklarazioak ez dira nahikoak. Erantzun kolektibo, antifaxista eta herrikoia eraiki behar da, auzoetan, elkarteetan, sindikatuetan, lantokietan eta ikastokietan.
Ez dugu isiltasuna eta etsipena aukeratu nahi. Ez dugu ezer espero erakundeetatik eta Estatutik, sarritan ideia nazkagarri horiek normalizatzen laguntzen baitute.
Borroka hau antifaxismoan, internazionalismoan eta ordena kapitalistarekin hausteko borondatean aitortzen diren guztiei dagokie. Indar horiei guztiei, bereziki abertzaleei, dei egiten diegu: bil gaitezen, antola gaitezen eta eraiki dezagun elkarrekin benetako fronte antifaxista bat.
Hurrengo hauteskunde presidentzialen atarian, mobilizazio hori erronka politiko ere bilakatu behar da: eskuin muturrak irabaz ez dezan eta hausturako ezker bat sortzen lagun dezan, etsipena eta amorrua elikatzen dituzten arrazoi sozialei aurre egiteko gai izango dena.
Eraiki dezagun fronte antifaxista!
Antola gaitezen hausturaren aldeko ezkerrak irabaz dezan!
Faxistentzat kuartelik ez!
Laisser un commentaire